---德國童話就係咁近囉咩事姐
我想德國frankfurt 周邊小鎮有好多景點大家都知道如heidelberg, 新天鵝堡，Rhine Valley等，但呢d都唔夠近，今次去了一個搭火車只需半個鐵就到的小鎮叫Bacharach, 其實佢真心小，如果唔係慢活或鐘意鳩攝或想睇德國童話式屋仔，可以跳過，因為即使去了都只覺係運吉，半個鐘就行得晒。但我呢d 走走停停又點會咁快完，半個鐘行得完的鎮仔我都行左3個零鐘，除左覺得自己勁抽外，亦係好主觀地覺得佢好靚，加上果日係星期日，對於好主張生活的歐洲人當然係全部鋪都唔開，成個鎮靜到癲，放個屁都有聲，但我好鐘意，一來喪影相擺pose 不用理他人白眼，雖然從未理過lol ，二來靜靜地一邊欣賞靚景，一邊思考人生，正正子，呢度有個小城堡，只要一路上小山丘行十零分鐘就到，此城堡唔洗入場費，慳返筆，仲可以飽覽全個小鎮的全景，真係靚到震撼呀，如果想搵d 即日來點的小城鎮去，呢個真係唔錯，返到frankfurt 仲有時間hea鳩鳩或小休等開飯，夫復何求？
Search